Peksman, (mamatay ka man), nagsisinungaling ako : at iba pang kuwentong kasinungalingan na di pa dapat paniwalaan / ni Eros S. Atalia.

Si Eros S. Atalia ay nagtapos ng Bachelor of Secondary Education. Major in Filipino sa Philippine Normal University at itinanghal na isa sa pinakamahusay na Major mula 1994-1996. Ilan sa kanyang mga parangal ay Gawad Balagtas. Talaang Ginto, Gawad Soc. Rodrigo, Gantimpalang Collantes sa Sanaysay at Unang Gantimpala mula sa Pambansang Timpalak sa Pagsulat ng Tula ng Panday Lipi ink., at unang Gantimpala mula sa Palanca Memorial Awards for Literature sa Maikling Kwento. Kasalukuyan nyang tinapos ang Master of Arts - Language and Literature, Filipino s DLSU, at nagtuturo ng Filipino sa Faculty of Arts and Letters, UST kung saan ay Junior Associate siya ng Creative Writing and studies. Inilimbag ng UST publishing House ang kanyang unang aklat ang "Taguan Pung (kalipunan ng mga kwentong di pambata) at Manwal ng mga napapagal (Kopi teybol dedbol buk)" noong 2006. Isinilang, lumaki at naninirahan si Eros sa Lungsod ng Cavite.;Ang istorya ng libro ay may napaka-simpleng tema. Ito ay tungkol sa isang lalaking naghanap ng trabaho, ininterview, nageksamen, natanggap, umuwing masaya, namahinga sa bahay at naabang ng kinabuksan para pumasok sa bagong trabaho. Simpleng istorya pero ang pagkakalahad ay nakakatawa. Ang mga paglalarawan sa mga kaganapan ay may halong katotohonan at mga isyung panlipunan pero ang paghahayag ay sa paraang nakakakiliti.