Pantyon : ilang pamahiin, tradisyon, at kuwento ng paglilibing sa Kabite / ni Jeffrey Alfaro Lubang paunang salita, Florentino H. Hornedo

Sa mga nakalipas na panahon, sa larangan ng mga pag-aaral sa kasaysayang panglokal at mga alamat at salimbibig ng mga pamayanang lokal, naging tampok ang mga kuwento, panulaan, mito, alamat, at mga awiting-bayan (na lahat ay nasa larangan ng literaturang tradisyonal). Hindi mapag-ukulan ng sapat na pansin ang ibang bahagi ng kaalamang pamana ng bayan tulad ng mga paniniwala kaugnay ng kamatayan at mga patay. Marahil ito ay dahil na rin sa isang malalim na sikolohikal na pag-iwas (o pagtanggi kaya) sa realidad ng kamatayan. Makabuluhang hakbang tungo sa pagpuno sa kakulangang ito ang akdang ito. -Mula sa Paunang Salita ni Florentino H. Hornedo, Ph.D. JEFFREY ALFARO LUBANG tubong Heneral Trias, Kabite, siya ay isinilang sa ilalim ng signos ng alimango noong 1969. Nagtapos ng Bachelor of Science in Foreign Service sa Lyceum of the Philippines, Intramuros, Maynila. Nakatapos din ng kursong Master of Arts in Art Studies (major in Art History) sa University of the Philippines sa Diliman. Lungsod ng Quezon. Naglingkod sa National Historical Institute bilang shrine guide hanggang maging researcher/curator mula 1993 hanggang 2004. Nakapaglathala na rin ng ilang tula sa ANI ng Cultural Center of the Philippines. Unang nagturo sa Cavite Westpoint College, Ternate, Kabite. Sa kasalukuyan siya ay assistant professor at nagtuturo ng Kasaysayan ng Pilipinas at kursong Rizal sa De La Salle University-Dasmariñas sa ilalim ng Social Sciences Department at Faculty Researcher/Events Coordinator sa Cavite Studies Center ng nasabing institusyon. Siya ay kumukuha ng doktorado sa Kasaysayan sa University of Santo Tomas. ANG ANTING-ANTING SA KABITE ang kanyang unang aklat.