An satuyang kakanon sa aroaldaw = Ang ating biyaya sa araw-araw : mga rawitdawit sa manlain-lain na Bikol / K.S. Cordero, editor.

Dalawampu't limang taon pagkatapos lumabas ang Haliya ni Maria Lilia F. Realubit, narito ang dalawampu't limang makatang Bikolnon, na sa aking palagay, sila ang mga sumasagisag sa naging takbo ng panulaang Bikol simula taong 1990 hanggang sa kasalukuyan. Tulad ng maraming akdang Bikolnon, malalasap sa mga tulang ito ang pinagsamang bigwas ng bangbang at timyas ng tamis. Mahanghang, nakakatupok sa panunuligsa ng mga kalagayang panlipunan at mga estrukturang patuloy na ginugupo ang espiritu ng tao samantalang matamis sa aming mga pagsinta, pag-asa at pananampalataya. Bilang editor at tagasalin, layunin kong hamunin ang mga mambabasa lalong-lalo na ang mga kabulig na manunulat tungo sa higit na pagkilala at pagmamapa ng mga poetika at politika ng aming panitikan, at kung paano ito iniuugnay sa aming mga buhay sa loob at labas man ito ng rehiyong nananahan sa singsing ng apoy at mata ng bagyo. --Back cover of the book.