Kasaysayan ng maragondon : bayan ng magtagumpay / Rhonnel D. Soberano.

Includes bibliography.

Ang bayan ng Maragondon na matatagpuan sa paanan ng isang maladiwatang kabundukan ay hitik sa kasaysayan. Tunay na yaman ng bayan ang kanyang kasaysayan. Datapwa't ang mahahalagang datos nito ay hiwa-hiwalay na naitala sa iba't-ibang aklat mula sa mga dokumentong matatagpuan sa arkibo, aklatan, at personal na koleksyon. Upang mas maunawaan ang kasaysayan ng Maragondon, nabuo ang Kasaysayan ng Maragondon: Bayan ng Magtagumpay. Hindi naging madali ang pagbuo ng aklat. Dumaan ito sa mahabang proseso laluna ang pag-eedit upang lumabas ang isang aklat pangkasaysayan na masasabing pinagbuhusan ng talino at panahon. Kabilang sa aklat ang pinagmulan ng bayan, mahahalagang kaganapan, sistema ng pamamahala, pag-unlad ng edukasyon, pagsulong ng ekonomiya, mga paniniwala at tradisyon, pakikibaka sa panahon ng pananakop ng mga dayuhang Kastila at Hapones, makasaysayan at magagandang pook, gayundin ang literatura ng bayan. Sa pagsasaliksik, binisita ang mga lugar na may mahalagang bahagi sa kasaysayan ng lugar. Maging ang mga sementeryo at lapida ay masusing pinag-aralan upang makuha ang mahahalagang datos para sa talambuhay ng mga dakilang anak ng Maragondon. Nabawasan naman ang pagtungo sa pambansang arkibo upang magsaliksik sapagkat nagkaroon ng mga kopya ang Cavite Studies Center (CSC) sa De La Salle University-Dasmariñas. --Panimula ng aklat.