Komunikasyon at linggwistika / Veneranda S. Lachica.

Ang aklat na ito ay sadyang isinulat ng may-akda upang maging tuwirang pagtugon sa pangangailangan ng mga mag-aaral sa kolehiyo at pamantasan. Inihanda at ipinalimbag ito upang maging gabay ng ating mga kabataan sa pagkakaroon ng angkop na kaalaman at pagtatamo ng mahalagang kabatiran hinggil sa wikang Filipino at sa mga praktikal na pamamaraan ng paggamit nito. Nilalayon ng aklat na magsilbing kasangkapan sa mabisang paglinang at pagpapaunlad ng mga kasanayan sa pakikining, pagsasalita, pagbabasa, pagsusulat at pag-unawa sa Filipino. Hinangad din ng may-akda na bigyan-diin ang mga makataong pagpapahalaga, makabagong pananaw sa sosyo-politikal, teknolohikal, kultural, ekonomikal at pambayan sa mga lunsarang panliteratura at araling panglinggwistika. Ito ang mga dahilan kung bakit ang aklat ay kinapapalooban ng iba't ibang anyo ng pagpupunyagi tungo sa pambansang kaunlaran.