Ang tatlong panahon ng tulang Tagalog : pag-aaral sa kasaysayan at pagkaunlad ng tulang Tagalog / Julian C. Balmaseda.

Sa paniniwalang hanggang sa mga araw na ito ay wala pang aklat ukol sa sining ng tula o sa mga tuntuning nauukol sa pagtula sa wikang Tagalog na ginagamit o maaaring magamit sa mga paaralan, ay minarapat ng Surian ng Wikang Pambansa na ipalimbag na muli ang panayam na binigkas ng ngayo'y Patnugot ng Surian, na si G. Julian C. Balmaseda, na pinamagatang "Ang Tatlong panahon ng Tulang Tagalog." Ang panayam na ito'y binigkas sa Villamor Hall noong ika-28 Hulyo, 1938, nang panahong hindi pa nayayari at napagtitibay ang Balarila ng Wikang Pambansa, kaya't hindi maaaring di iayos at isunod ang pagkakasulat ng panayam na ito sa mga tuntunin at kaparaanang natatakda sa nasabing Balarila upang huwag masinsay sa mga kapalaran sa pagsulat ng Tagalog na sinusunod ngayon. Ang aklat na ito, na marahil ay iilan na lamang ang nakapg-iingat sa unang pagkakalimbag, ay isang mahalagang gabay, tulong at sanggunian sa pag-aaral ng ating Panitikan, lalo na sa Panulaan, ng mga nagsisipag-aral ng wikang pambansa sa matataas na paaralan. Hindi lamang ito, kundi isang mahalagang hiyas na maidaragdag at makapagpapaningning sa mga aklatan, na anupa't magiging sanggunian tuwina sa mga bagay-bagay na may-kinalaman sa kasaysayan ng tulang Tagalog at ng sining ng pagtula.