Pali-palitong posporo : mga tula / Belinda S. Santos.

Bagaman ngayon lamang makapaglalatha ng isang buong aklat ng mga tula si Benilda S. Santos, malaon na siyang kilala bilang isang makata. Ilang akda niya ang naisali na sa mga antolohiya, at madalas siyang mapakinggan sa mga poetry reading na idinaraos sa iba't ibang pamantasan. Kinilala ang kanyang husay sa pagtula ng Timpalak Palanca kung saan nagwagi siya sa dalawang kategorya --tula sa Filipino at tula sa Ingles noong 1988. Nararapat lamang na ang kanyang mga tula ay mailathala na sa isang kalipunan at nang sa gayon ay matunghayan ng higit na maraming mambabasa ang mga produkto ng isang malikhaing sensibilidad na walang takot na humaharap sa masasalimuot na karanasan ng kasalukuyang panahon -- pansarili at panlipunan -- at natatagni-tagni ng mga impresyong sinala sa isang paraang matindi ang bisa sa kamalayan. --Mula sa paunang salita