Jose "Ka Pepe" W. Diokno : makatao, makabayan / Bernardo Noceda Sepeda ; paunang salita ni Armin Luistro.

Hindi ko kailanman nakatagpo si Ka Pepe Diokno. Kaya lang, higit ko siyang kilala kaysa mga "makabagong bayani" na iniluwal ng maraming pakikibaka sa mga lansangan at sa mga kanayunan at mga kabundukan. Sa akin, higit na maningning ang kiskis sa baluti ng pagkatao na tulad ni Ka Pepe na hindi yumuko kailanman sa mga dahas ng paglabag sa mga karapatang angkin at likas sa bawat mamamayan. Sa mga forum, mga kongreso ng bayan, at mga pahina ng pahayagan, walang pangimi si Ka Pepe sa pag-iisa-isa at paggigiit niya sa pagtalakay sa mga karapatang pantao ng mga Pilipino para mabuhay nang may dignidad, mapayapa, walang takot, at hindi hinahadlangan ang pagsisikap nilang isulong ang kanilang pangarap na mahango sa karalitaan. Hinahangaan ko siya dahil doon at naging malalim ang binhing itinanim niyon sa aking pagkatao na sinisikap kong isabuhay ngayon. -Efren R. Abueg Manunulat Ang aklat na ito, Jose "Ka Pepe" W. Diokno : Makatao, Makabayan, ay magsisilbing isang inspirasyon para sa mga progresibo at makabansang organisasyon, kompanya, institusyon, at karaniwang mamamayang nagpapahalaga sa mga adhikain at prinsipyong ipinaglaban ng mga kapanahong bayani ng ating bansa, partikular sa katalinuhan, kagitingan, at pagkamakabayan ni dating Senador Jose W. Diokno. Sinulat sa wikang magaan, kawili-wili, at madaling basahin, ang akdang ito ay mabuting reperensiya sa agham panlipunan, sosyolohiya, batas, at lalo na sa kasaysayan ng ating bansa na sumasapol sa maliligalig na dekadang aktibo ang dating senador sa pakikipaglaban para sa mga karapatang pantao, demokrasya, at hustisyang panlipunan. -Rogelio G. Mangahas Premyadong Makat at Editor