Sarilaysay : danas at dalumat ng lalaking manunulat sa Filipino / Rosario Torres-Yu, Alwin C. Aguirre.

Ito ay mga kuwento. Mga kuwento ng mga kuwentista mula sa sarili nilang mga labi. Mahalaga ang pag-aaral na ito dahil sa tatlong bagay. Una, pinahahalagahan nito ang sariling tinig ng mga nagmamay-ari ng kuwento, ang personal na pagdalumat ng mga manunulat sa naratibo ng kanilang mga sarili. Ikalawa, hindi lamang ito mga kuwento kundi pagsusuri ng mga kuwento ng buhay mula mismo sa mga manunulat at mula sa mananaliksik. T angkang pagbasa ito sa mga salaysay bilang tekstong umiiral sa ating lipunan. Ikatlo, sa isang feministang pananaw, pinahahalagahan ng pag-aaral ang pagtingin sa pag-inog ng kamalayang pang kasarian at seksuwalidad ng naturang mga manunulat sa mundo ng panitikan, at sa mas malawakang kalakaran na patriyarkal. Sa naunang aklat itinampok ni Dr. Rosario Torres-Yu ang kababaihang manunulat at ang kuwento ng kanilang buhay. Ngayon naman sa bagong Sarilaysay, ilalahad ang kasaysayan ng mga manunulat na lalaki-ang mga pangyayari sa loob at labas ng kanilang mga sarili na humubog sa kanila bilang mga tao, lalaki, at manunulat.