Palihan : hikayat sa panitikan at malikhaing pagsulat / Eugene Y. Evasco, Will P. Ortiz, mga may-akda ; Lilia F. Antonio, koordineytor.

Matagal nang naghihintay ang paglalathala ng teksbuk ng mga bagong manunulat at editor upang magdulot ng mga bagong saliksik at mga bagong paraan ng pagtuturo sa nilalaman ng teksbuk. Ito ang pangunahing birtud ng aklat nina Will Ortiz at Eugene Evasco. Bukod pa, masinop ang dalawang manunulat/editor sa pagbalangkas ng kanilang mga leksiyon.Karangalan kong mag-endorso ng kanilang aklat. Virgilio S. Almario Pambansang Alagad ng Sining. Bilang gabay sa manunulat sa paglikha ng tula at kuwento, sina Eugene Evasco at Will Ortiz, ay walang alinlangang maghahatid sa sinumang pumailalim sa pagbibigay-direksiyon ng librong ito sa pagiging matagumpay na makata at kuwentista. Malawak at malalim ang kaalaman ng dalawang editor, kaya't mapagkakatiwalaan ang kanilang paglalatag ng landas para sa manunulat. Katibayan nito ang ibat-ibang halimbawang akdang ginamit sa paglilinaw sa mga aspekto ng tula at kuwento. Dahil malay sila sa kasaysayan ng dalawang anyo at sa sining na humubog sa mga ito, hindi lamang pagtuturo ng mga batayang batas ng palikha kundi pati kritikal na pagsusuri sa kalidad ng akda ang inihahandog ng palihan : Hikayat sa Panitikan at Malikhaing Pagsulat. Paghanga at mataos na pagbati sa masinop na pamamatnugot! Bienvenido Lumbera, Ph.D. Professor Emeritus Pambansang Alagad ng Sining sa Panitikan.