Bago ang babae : mga tula / Rebecca T. Añonuevo.

Originally published: Manila : St. Scholastica, 1996.

Ito ang bagong edisyon ng pinakaunang kalipunan ng mga tula ni Rebecca T. Añonuevo. Mula kay Virgilio S. Almario : "taglay niya ang kadalubhasang magtimpi at magpahiwatig gayundin ang kapangahasan sa paghahanap ng naiibang talinghaga-mga katangian ng isang ganap na makata." Mula kay Romulo P. Baquiran Jr. : "May hatid na bagong kagitingan sa panulaang Filipino ang tinig ni Rebecca T. Añonuevo. Wala itong pangingimi na itambad ang damdamin at kaisipang babae sapagkat itinuturing ang mga ito hindi bilang bilangguan kundi bukal ng lakas, laya, at sining. Kung gayon, ang kanyang mga tula'y malinaw na pagpiglas sa mga pagtatakda ng lipunan sa babae. Ngunit lalo pang tagumpay ang mga tula na magpahayag ng taos at marubdob na pagmamahal habang isinusolong ang prinsipyong huwag magpapatali sa kaisipang paurong kaugnay ng kasarian at pagkatao, nagmumula man ito sa sariling kalooban o mga kaloobang nakaabang sa labas ng sarili." Mula kay Isagani R. Cruz : "There can be no questionthat this is a startling book of poems. These poems are not all about women, but they are all from the point of view of a woman. This is what gives them power." Si Rebecca T. Añonuevo, taga-Pasig City, ay makailang ulit nang nagwagi sa Don Carlos Palanca Memorial Awards for Literature para sa tula, sanaysay, at kuwentong pambata. Nakapaglingkod siya bilang dating pangulo ng Linangan sa Imahen, Retorika, at Anyo, at sa kasalukuyan ay nagtuturo ng panitikan at pagsulat, at tagapamuno ng English Department sa Miriam College.