Lagalag ng paglaya / Rommel B. Rodriguez.

Narito ang kuwento ng isang environmentalist na may bulok na ngipin, aliping sinagip ng dunong sa tiyak na panganib, mga mandirigmang mailap, at batang manggagamot na nilason ng digmaan ang puso't isip. May sumasayaw na anino ng mga poon, paglisan ng pag-ibig sa syudad, at paghanap sa kadugong nawalay sa kabundukan. May kuwento tungkol sa bawal at huwad na disiplina ng estado, pagbuo sa naputol na ugnayan, paglaro sa kulay ng imahinasyon, at pananatili sa kawalang-katiyakan. May salaysay para magsilbing bago ang kakaiba, lumikha ng tiwalang na tala, at humubog ng mamamatay-tao sa anyo ng mistulang pinuno ng isang bansa. Hindi makikita ng mambabasa ang sarili sa mga pahina ng aklat na ito, at mas marami itong tanong kaysa sagot tungkol sa kalayaan, pakikibaka, at pagkatao.