Mga babasahin sa sikolinggwistikang Filipino / Lilia F. Antonio, Anatalia G. Ramos, Aura Albano-Abiera, mga editor.

Mga Sipi mula s Aklat "Ang pagtuklas ng sikolohikal na implikasyon ng mga teorya at kaalamang linggwistikal ay isa sa mga dapat harapin ng sikolinggwistikang Pilipino.... kung papaanong ang konsepto ng morpema ay nadirinig pa rin sa mga klase sa sikolohiya. Ano kayang mga konsepto buhat sa sikolohiya naman ang nagkakaroon ng anumang epekto sa linggwistika? Palagay ko, tungo sa higit na matibay at mayabong na sikolinggwistika, ang interaksyon ay dapat na magpatuloy." -Mula sa "Sikolinggwistikang Pilipino: Pananaw at Tunguhin" ni Virgilio G. Enriquez "Pangalawa, ang pansikolinggwistikang analisis ay hindi lamang dapat humintosa sa "kasaklawang semantiko" o sa pilosopikal at sosyo-antropolohikal na ispekulasyon. Kailangang usisain ang mas malalim na baitang ng mga pananaw: ang mga di-lantad na batayan, ang istruktura mismo ng kaisipan." -Mula sa "Wika at Diwa: Isang Pansikolinggwistikang Analisis at Konseptong 'Hiya" ni Zeus A. Salazar. "Sa nakaraan at sa kasalukuyang buhay ng mga Ilukano, ganoon din sa kanilang buhay sa poklor, makikita natin na napakahirap ang kanilang buhay. Kailangang maging masipag, matipid at praktikal sila para mabuhay at mapabutiang kanilang buhay. Kaya't sa mga Ilukano, mahalaga ang hinaharap dahil doon lamang nila matatagpuan ang mabuting buhay. hindi kaya natin masasabi na ang madalas o malawak na paggamit nila sa kanilang wika ng panghinaharap na anyo ng verb ay may kaugnayan o relasyon sa pananaw na ito?" -Mula sa "Ang Pananaw sa Mundo ng mga Ilukano: Mula sa Kanilang Wika" ni Ernesto A. Constantino "Magkalakip ang ugnayan ng wika at kultura. Ang kultura ay likha ng tao. Ang wika ay taal sa tao. Kahit na nga ito'y taal, ang wika ay likha ng tao, gaya ng kultura." -Mula sa "Kultura ng Wika" ni Prospero R. Covar.