Pag-oorganisa ng pamayanan : tungo sa kaularan na mula sa tao para sa tao / Angelito G. Manalili.

Ang aklat na ito na may pamagat na Pag-oorganisa ng Pamayanan: Tungo sa Kaunlaran Mula Tao para sa Tao" ay bunga ng pakikipaglakbay ng may-akda sa mga dukha at inagawan ng kapangyarihan. Sa kaniyang tuloy-tuloy na pakikipag-aralan sa masa, patuloy sa kanilang pag-oorganisa at pakikipagkawit-bisig sa kanilang pakikibaka, matututuhan niya, kasama ng mga magsasaka, mangingisda, katutubo, manggagawa, maralita ng lungsod, kababaihan, kabataan, nakatatanda, at mga may kapansanan na ang pag-oorganisa ng pamayanan ay umiikot sa buhay, karanasan, at pangarap ng mga tao. Iniluluwal ito ng kanilang kondisyon at pangangailangan. Dumaraan sa isang masinsin sa proseso ng pag-angkin: Isa na naging dalawa, dalawa na naging apat, apat na naging walo, walo na naging labing-anim, labing-anim na naging tatlumpu't dalawa, tatlumpu't dalawa na naging animnapu't apat na naging isang daan at dalawampu't walo... Taga sa panahon at hindi hininog sa pilit. Naitatag nang may malinaw na batayan ng pagkakaisa na habang isinusulong nila nang sama-sama'y patuloy na tumataas ang kanilang pagtitiwala sa kanilang kolektibong kakayahang pagandahin ang kanilang bukas. Ang pag-oorganisa pala ng pamayanan ay nakatitik sa mga dahon ng ating kasaysayan. Nagpapatuloy ito hanggang sa kasalukuyan. Nagsisimula ito sa kanayunan, nagiging pambayan, panglungsod, panglalawigan, pangrehiyon, at pambansa, hanggang sa maging pagkakawit-bisig ng buong sambayanan tungo sa pagsusulong ng kaunlarang ang bunga nito'y pinagsasaluhan ng lahat. Kaunlarang mula tao para sa tao." (Source: http://journals.upd.edu.ph/index.php/djwf/article/view/3675.