Sigwa: isang antolohiya ng maikling kuwento / [pinamatnugutan nina Mila Carreon-Laurel... et al.].

Previous edition. : 1992.

Ang "Agos sa Disyerto" (1965) ay antolohiyang naghudyat ng bagong panahon sa kasaysayan ng kuwentong Pilipino. Sa mga akda ng limang batang awtor na kinilalang pangunahin sa kanilang panahon, inilantad ang isang lipunang pinaghaharian ng pagdarahop, pagsasamantala, at karahasan. Dahil sa magulas na pagdadala ng nasabing mga awtor sa makabagong pamamaraan sa pagsasalaysay at mapanuring pananaw na kanilang ipinako sa kanilang paligid, nakatulong nang malaki ang Agos sa pagbibigay-dangal sa Pilipino bilang wikang pampanitikan. Panandang-bato ang antolohiyang ito sa matuling pag-ahon ng panitikang Pilipino mula sa abang kalagayang kinasadlakan nito dahil sa kolonyal na edukasyong idinuldol sa atin ng mga imperyalistang Amerikano.