Mga kuwento ni Datu Lubay / Alex C. Delos Santos ; may introduksiyon ni Rolando B. Tolentino.

Katulad ni Datu Lubay na naging marginalized o napaisantabi kahit pa malaki ang kanyang naiambag sa kabuhayan ng mga Antiqueño, ang mga tauhan sa mga kuwento sa koleksiyong ito ay mga displaced din. Malungkot ang mga tauhan dito. Ang persona sa "Alot" (Gupit) ay umalis ng San Jose at pagbalik niya ay nawalan na siya ng mga kaibigan at kakilala at naging dayuhan sa pook ng kanyang kabataan. Si Miguel/Michelle sa "Ang Sastre" ay napalayas dahil hindi matanggap ng ama ang kanyang pagiging bakla. Ang dalawang magkakaibigan sa "Abyan" (Kaibigan) ay walang muwang na nawawasak na ang kanilang pagkakaibigan dahil ang isa pa sa kanila - na nangibang bayan na - ay pumiling tapusin na ito. Ang persona sa " Gugma sa Bangkok" (Pag-ibig sa Bangkok) ay nangibang bayan din at doon nakahanap ng pag-ibig sa isang madilim at masalimuot na bath house. Ang batang lalaki sa "Library" ay napasayaw ng American Swing Dance, pero hindi siya nakapasok sa aklatan dahil inuna ang mga bisita. Si Imelda sa huling kuwento ay naiwan na ng asawa at mga ank sa kahirapan, pero punong-puno pa rin ng pag-asa. Lahat ng mga tauhan dito ay umaasaa. Malulungkot sila, pero umaasa.