Naic Cavite : kasaysayang lokal mula panahon ng Kastila hanggang panahon ng Hapon / : ni Emmanuel Franco Calairo.

Proyekto University Faculty Research Office (DLSU-D), Cavite Studies Center (DLSU-D.

Si Emmanuel Franco Calairo ay kasalukuyang tagapagturo ng kasaysayan sa Departamento ng Agham Panlipunan at sa Paaralang Gradwado ng Kolehiyong Malalayang Sining sa De La Salle University-Dasmariñas. Siya ay nagtapos ng Batsilyer sa Sining sa Unibersidad ng Silangan (Recto, Maynila), Masterado sa Pagtuturo at Doktorado sa Pilosopiya-Dalubhasa sa Kasaysayan mula sa Unibersidad ng Pilipinas - Dasmariñas, Lungsod Quezon. Siya ang unang nagtamo sa DLSU-Dasmariñas ng lekturang propesoryal (professional chair lecture) para sa Agham Panlipunan (pokus sa kasaysayan). Siya rin ang kauna-unahang awardee ng The Geronimo De Los Reyes Distinguished Professorial Chair in Cavite and Philippine History noong 2004 at Teodosia Osteria Memorial Lecture noong 2006 sa DLSU-D. Marami ng nasulat na aklat ang may-akda tungkol sa kasaysayn at kultura ng Kabite. Isa sa mga ito ang Saloobin : Sagot ni Heneral Emilio Aguinaldo sa mga Paratang ng Dakilang Lumpo na naging finalist sa National Book Award noong 2003. Ito ay muling inilimbag ng Pambansang Suriang Pangkasaysayan (NHI) noong 2005. Sa Kasalukuyan, siya ay dekano ng Kolehiyo ng Malalayang Sining sa DLSU-Dasmariñas, Executive Council member ng National Committee on Historical Research (NCCA) mula 2004-2010, miyembro ng board ng Cavite Historical Society, 2006 Chair ng Research Committee ng Network of CALABARZON Educational Institutions at miyembro ng iba't ibang samahang pang-akademiko tulad ng Philippine National Hisitorical Society, Manila Studies Association, Philippine Association of Graduate Education (PAGE), Asosasyong Pambansa ng Colehiyo ng Agham at Sining (APCAS) at National Research Council of the Philippines (NRCP). Ang may akda ay nakilala bilang tagapagtaguyod ng kasaysayan at kultura ng Kabite. Dahil sa kanyang pagkakasulat ng kasaysayan ng bayan ng Tanza kaya kinilala siya sa pamamagitan ng isang resolusyong munisipal bilang Adopted Son of Tanza, Cavite noong 2004. Dahil sa kanyang mga pagpupunyagi bilang bahagi ng akademya kaya kinilala siya ng DLSU System bilang 2006 CHIMES AWARDEE.Noong Agosto 31, 2006, siya ay pinarangalan ng Cavite Provincial Government ng Gen. Emilio Aguinaldo Outstanding Achievement Award for History and Literary Arts. Sa araw ding iyon, and kanyang aklat na pinamagatang Edukasyong Pampubliko : Ang Karanasan ng Kabite, 1898-1913 ay kinilala bilang 2006 National Book Award Winner na iginawad ng Manila Critics Circle.