Anino ng katotohanan / sinulat ni Doy del Castillo.

Ito ay isang pagtatangka na mabigyang buhay ang kabuuan ng isang larawan sa likod ng mga pangyayari. Ang katotohanan na pilit ikinukubli. Sa bawat pangyayari sa ating bayan, ay mayroong ANINO ang Katotohanan na siyang nababanaagan ng mga mapanuri. Ang ANINO NG KATOTOHANAN ang siyang pumupukaw sa mga nahihimbing. ANg aklat na ito ay magsisilbing palaso na magpapalugmok sa dambuhalang KADUWAGAN AT KAMANGMANGAN sa Nasyunalismo at pulitika na siyang naghahari sa isip at damdamin ng sambayanang Pilipino. Ang aklat na ito ay nahahati sa dalawang bahagi. Ang unang bahagi ay isang likhang isip na maikling nobela. Itinatampok dito ang pagpapalitan ng katwiran ng lider ng parliyamento ng lansangan para sa mapayapang pakikibaka, lider ng sandatahang pangkat sa kabundukan, para sa isang mataas na antas ng paghingi ng pagbabago, ng moderate opposition, at panig ng pamahalaan. Sa pamamagitan ng mga paglalarawan ng mga pangyayari at mabubuo natin ang isang larawan sa ating mga isip na siyang magpapakilos sa ating pagkamulat. --Panimulang Salita ng Libro.