Sangguniang aklat sa pagpapahalaga sa sining : ang imahen ng Filipino sa sining / John Iremil E. Teodoro, editor.

Isa sa pinakamayaman, pinakamakulay, at may pinakamahabang kasaysayan sa buong mundo ang sining nating mga Filipino. Bukod kasi sa mga katutubo nating mga porma ng sining na nagpapakita ng kultural na relasyon natin sa mga kapatid nating Asiano, tinanggap din natin at inangkop sa ating sariling mga kalinangan ang sining na dinala ng mga mananakop na Español at Americano. Itong libro Ang Imahen ng Filipino sa Sining ay isang sangguniang aklat sa kursong Pagpapahalaga sa Sining at iba pang kurso tungkol sa sining at kulturang Filipino. Kalipunan ito ng mga sanaysay hinggil sa sining na Filipino, mga teoryang pangkultura, at mga ribyu ng mga klasikong teksbuk at teorya hinggil sa sining at kultura. Bagaman may kakapalan ang librong ito, isang pasilip lamang ito sa mga guro at estudyante ng sining sa yaman at kulay ng sining nating mga Filipino na maaari nating maipagmalaki dito man sa atin o kung saan man tayong bahagi ng mundo mapadpad. --Back cover of the book.